काठमाडौं, 25 सितम्बर 2021
अर्थमन्त्री एवम् नेकपा (माओवादी केन्द्र)का नेता जनार्दन शर्माले सत्ता गठबन्धनलाई बलियो बनाएर संविधानको कार्यान्वयन गर्दै मुलुकलाई समृद्धि बनाउन सरकार प्रतिवद्ध रहेको बताउनुभएको छ । चौंरीदेउराली–काठमाडौं सम्पर्क मञ्चले शनिबार काठमाडौंमा गरेको कार्यक्रममा अर्थमन्त्री शर्माले लोकतन्त्र र संविधानका पक्षधर दलबीचको गठबन्धन सरकारले मुलुकको समृद्धिमा ध्यान दिने बताउनुभएको हो । उहाले बिभिन्न आन्दोलनबाट प्राप्त उपलव्धीलाई कमजोर पार्ने खेल भएको र त्यसको बिरुद्ध गठबन्धन बनेको भन्दै गठबन्धनलाई बलियो बनाउदै अघि बढ्ने उल्लेख गर्नुभयो । उहाले केहि प्राविधिक कारण सरकारले पूर्णता पाउन नसकेको भन्दै छिटै सरकारलाई पूर्णता दिन दलहरुबीच छलफल भइरहेको धारणा राख्नुभयो । उहाले संगठनलाई बलियो बनाउदै पार्टीलाई सशक्त बनाएको बताउनुभयो । त्यस्तै मन्त्री शर्माले नेपाल बहुआयामिक गरिवीमा पर्नुको कारण पत्ता लगाई समाधान खोज्ने योजना तीन महिनाभित्र सार्वजनिक गर्ने जानकारी दिनुभयो । त्यस्तै व्यापार घाटाको अवको अवधी प्रक्ष्यपण गर्न अध्ययन गर्ने र रिपोर्ट सार्वजनिक गरिने उहाले बताउनुभयो । उहाले संविधानमा उल्लेख समाजवाद उत्मुख अर्थतन्त्रको ठोस कार्यक्रम राष्ट्रिय सहमति गरेर निर्माण गर्ने बताउनुभयो । कार्यक्रममा शर्माले बिभिन्न दलबाट आएका कार्यकर्तालाई माओवादी प्रवेश गराउनुभएको थियो ।
