काठमाडौं, 13 अक्तूबर 2021
पुर्णेन्दु झा चलचित्र निर्देशक हुन् । नेपालमा फिल्म कलेज पढ्ने पहिलो ब्याच झाले पोल्टिकल ड्रामा ‘संरक्षण’ र सोसल कमेडी ‘चौका दाउ’ निर्देशन गरिसकेका छन् । डेब्यु चलचित्र ‘संरक्षण’ मा निखिल उप्रेती, सौगात मल्ल जस्ता स्टार राखेर कमाएको साख दोस्रो चलचित्र ‘चौका दाउ’ ले बचाउन सकेन । त्यसपछि कोरोनाभाइरसका कारण भएको लकडाउनमा केही समय विश्राममा रहेका झाले केही फिल्मी योजना बनाएका छन् । उनी अब नेपालीसँगै अन्य भाषामा फिल्म बनाउने योजनामा छन् । उनी अब ओटीटीलाई समेत हुने कन्टेन्ट बनाउने तयारीमा छन् । निर्देशक झा सर्लाहीको गोडैतामा जन्मिएका हुन्, जहाँ सिनेमा हल नै छैन । तर उनी केही किलोमिटर टाढा बरहथवामा आएर सिनेमा हेर्ने गर्थे । स्कुले जीवनमा खासै छुट नपाएका निर्देशक झाले अनायासै बाल्यकालमै चलचित्र निर्देशक बन्ने इच्छा थियो । सो समयमा झाले चलचित्रसँग सम्बन्धित म्यागजिन मायापुरी र कामना पढ्ने गर्ने । यसैले गर्दा पनि उनलाई चलचित्रप्रति लगाव थियो । घरबाट साइन्स पढेर डाक्टर बन्न निस्किएका निर्देशक उनी काठमाडौं आइसकेपछि आफूलाई निर्देशकको रूपमा चिनाइसकेका छन् । आगामी योजनामा निर्देशक झा अब नेपालीसँगै हिन्दीलगायतका भाषामा फिल्म तयार गर्ने सोचमा छन् । उनले यसका लागि तयारी थालिसकेका छन्। उनले भने ‘अब हामीले विदेशी मार्केटसँगै डिजिटल प्लेटफर्मलाई ध्यान दिएर काम गर्नुपर्छ,’ उनले भने । झा बलिउडमा प्रकाश झा प्रोडक्सनसँग सहकार्य गरेर केही प्रोजेक्ट गर्ने तयारी थालेका छन्।
