18 अक्तूबर 2021

प्रधानमन्त्री शेरबहादुर देउवाको स्कटल्याण्ड भ्रमणको मिति तोकियो । COP २६ को निम्ति अक्टोबर ३० अर्थात कार्तिक १३ गते शनिबारदेखि शुरु हुने भ्रमण नोभेम्बर ४ अर्थात कार्तिक १८ गतेसम्म पाँच दिनको हुनेछ । पाँचौ पटक प्रधानमन्त्री नियुक्त भएको तीन महिना कटेर दशैँ पर्वसमेत सकिएपछि बिदेश भ्रमण हुन लागेको हो । प्रधानमन्त्री कार्यालय, परराष्ट्र मन्त्रालय र बेलायतस्थित नेपाली दूतावास अहिले यात्राको तयारीमा धुमधामसङ्ग जुटेको छ । सरकारले यहीबेला दिल्ली, लण्डनलगायत विभिन्न ठूला ठाउँबाट राजनैतिक नियुक्तिमा गएका राजदूतहरुलाई फिर्ता बोलाएको छ भने नयाँ नियुक्तिको सुरसार छैन ।