सुर्खेत, 23 अक्तूबर 2021

सुर्खेतको वीरेन्द्रनगरमा बम विष्फोट हुदाँ दुई जना घाइते भएका छन्। वीरेन्द्रनगर कटकुवा सामुदायिक वनमा बिहान ११ बजे बेवारिसे अवस्थामा रहेको बम विष्फोट हुदाँ एकै घरका दुई जना घाइते भएका हुन्। विस्फोटमा परी घाँस काट्न गएका दुई जना घाइते भएका हुन् । घाइते हुनेमा दैलेखको गुराँस गाउँपालिका-६ की २१ वर्षीया लिला नेपाली र उनका भाइ १४ वर्षका नरेश परियार रहेको जिल्ला प्रहरी कार्यालय सुर्खेतका प्रवक्ता एवंम् डीएसपीले जनाए । ‘घाँस काट्न गएको बेलामा बम विष्फोट भएर एकै घरका दिदीभाई सामान्य घाइते भएको अवस्था छ।’ डिएसपीले भने,‘बम कसले र किन राखेको भन्ने कुराको अनुसन्धान भईरहेको छ।’ उनका अनुसार घाइतेहरुको स्थानीय देउती अस्पताल सुर्खेतमा उपचार भैरहेको छ । घाइते मध्ये एकजनाको अवस्था चिन्ताजनक रहेको अस्पतालले जनाएको छ ।