काठमाडौं, 26 अक्तूबर 2021

नेकपा एमालेले देशभरका स्थानिय तहमा मंगलबार पार्टीको अधिवेशन गरेको छ । राष्ट्रिय महाधिवेशन तयारीमा रहेको एमालेले वडा अधिवेशनपछि गाउँपालिका र नगरपालिकामा अधिवेशन गरेको हो । एमालेको राष्ट्रिय महाधिवेशन मंसिर १० देखि १२ सम्म चितवनमा गर्ने निर्णय पछिल्लो स्थायी समिति बैठकले गरेको थियो । सोही बैठकको निर्णयअनुसार ६ गते देशभर वडा अधिवेशन सम्पन्न भएको थियो । प्राविधिक कमजोरी र भौगोलिक कारणबस केहि स्थानीय तहमा सम्भव नभए पनि अधिकांश गाउँपालिका र नगरपालिकामा अधिवेशन भएको एमालेले जनाएको छ ।