28 अक्तूबर 2021
नेकपा (एकीकृत समाजवादी)का अध्यक्ष माधव नेपालले आगामी चुनावसम्मै गठबन्धनलाई कायमै राखिने बताउनु भएको छ । बिहीबार बिहान धनगढीमा पत्रकारसँग कुरा गर्दै नेपालले राष्ट्रिय सभा सदस्यका लागि रिक्त पदमा हुने चुनाव, प्रतिनिधि सभा र प्रदेश सभामा रिक्त सदस्यका लागि हुने उप–निर्वाचन तथा अब हुने स्थानीय तह निर्वाचनमा अरू पार्टीसँग तालमेल गरिने जनाए । पार्टीले तत्काल कसैसँग पनि एकता भने नगर्ने अध्यक्ष नेपालले बताउनु भयो । नेपालले जनतामा स्थापित र लोकप्रिय नेतालाई मात्रै पार्टीले आगामी चुनावमा टिकट दिने बताउनु भएको छ ।
