काठमाडौं, 30 अक्तूबर 2021
नेकपा माओवादी केन्द्रका अध्यक्ष पुष्प कमल दाहाल प्रचण्डले न्यायालयमा देखिएको समस्याबारे गठबन्धनका शीर्ष नेताहरु साझा धारणा बनाउने प्रक्रियामा रहेको बताउनुभएको छ । शनिबार जनकपुर बिमानस्थलमा सञ्चारकर्मीसंग कुरा गर्दै प्रचण्डले न्यायालयका बारेमा गठबन्धन दलको धारणा छिट्टै सार्वजनिक हुने बताउनुभएको हो । उहाले गठबन्धन बलियो र ठीक ढंगले अघि बढिरहेको तर्क पनि गर्नुभयो । सरकारले पूर्णता पाईरहेको अवस्थामा सरकारले पनि बिस्तारै गति लिन थालेको उहाले बताउनुभयो । उहाले प्रतिपक्षीले दिनहुँ संसद् गतिरोध गर्दा केही समय पर सर्दा समस्या हल हुने भएकाले प्रतिनीधिसभालाई रोकिएको स्पष्ट पार्नुभयो । त्यस्तै उहाले अब अध्यादेशबाट भए पनि महत्वपूर्ण विद्येयकहरु ल्याउने जानकारी दिनुभयो ।
