2 नवम्बर 2021
सन् २०७० सम्ममा भारतले कार्बन उत्सर्जनलाई ‘नेट जिरो’ बनाउने अर्थात् जति उत्सर्जन गर्यो उति नै परिमाणमा नवीकरणीय उर्जाहरूको प्रयोग गरेर सम्भावित उत्सर्जन जोगाउने अवस्थामा पुर्याउने प्रतिबद्धता गरेको छ । कोप-२६ सम्मेलनले भने देशहरूलाई यो लक्ष्य सन् २०५० सम्ममा हासिल गर्न सिफारिस गरेको छ । ग्लास्गोमा भारतका प्रधानमन्त्री नरेन्द्र मोदीले घोषणा गरेको नेट जिरोको यो नयाँ लक्ष्य भारतले जनाएको पहिलो प्रतिबद्धता हो । ‘नेट जिरो’ अर्थात् ‘कार्बन न्युट्रल’ बन्ने भन्नुको अर्थ वायुमण्डलमा हरितगृह ग्यासको मात्रा नथप्नु भन्ने हो । सन् २०६० सम्ममा चीनले भने ‘कार्बन न्युट्रल’ बनाउन आफ्ना योजनाहरू घोषणा गरेको छ । अमेरिका र युरोपेली सङ्घले भने त्यो अवस्थामा सन् २०५० भित्रै पुग्ने लक्ष्य राखेका छन् ।
