ललितपुर, 15 नवम्बर 2021

ऊर्जा, जलस्रोत तथा सिँचाइमन्त्री पम्फा भुसालले सांस्कृतिक सम्पदाले देशको आर्थिक तथा सामाजिक विकासमा सहयोग पुर्याउने बताउनुभएको छ । सोमबार ललितपुर महानगरपालिका –८ स्थित बालकुमारी मन्दिर पुनर्निर्माणको शिलान्यास गर्दै मन्त्री भुसालले यस्तो बताउनुभएको हो । त्यस्तै उहाँले कला र सम्पदाले देशको सामाजिक सद्भाव र राष्ट्रको संवद्र्धन गरेर पर्यटन क्षेत्रको लाभ लिनुपर्नेमा जोड दिनुभयो । मन्त्री भुसालले उक्त मन्दिरको ४ करोड रुपैयाँ लागत रहेकाले तीनै तहको सरकारको मद्दतमा तोकिएको समयमै उक्त मन्दिरको पुनर्निर्माण कार्य सम्पन्न गरिने बताउनुभयो । मन्दिर २०७२ सालको भूकम्पले भत्किएको थियो। करिब ३८८ वर्ष पहिले पुनर्निर्माण भएको मन्दिरको अन्वेषण आवश्यक रहेको बताउँदै उहाँले उक्त मन्दिर जीवन संस्कृतिसँग जोडिएकाले पुनर्निर्माणसँगै मन्दिरको ऐतिहासिक अन्वेषण हुने बताउनुभयो । मन्दिर पुनर्निर्माण गत भदौ ३ गतेदेखि नै चालु रहे पनि सोमबार औपचारिक थालनी गरिएको हो ।