काठमाडौं, 20 नोवम्बर 2021
नेपाली काँग्रेसका नेता प्रकाशमान सिंहले कांग्रेसका संस्थापक नेताहरुले जनता र देशका लागि देखेको सपना पुरा गर्न आफु सक्षम भएको बताउनुभएको छ । शनिबार काठमाडौंमा ‘बानेश्वरको सेरोफेरो पुस्तकको विमोचन गर्दै नेता सिंहले संस्थापक नेताहरुले देखेको विकसित नेपालको सपनालाई पुरा गर्न आफु सक्षम रहेको बताउनुभएको हो । उहाँले जनताका प्रतिनिधी भए पछि जस्तोसुकै अवस्था पनि फिट हुन सक्ने क्षमता हुनुपर्ने धारणा पनि राख्नुभयो । आफु संविधानसभा र संविधानसभापछि आफुलाई जनताले निरन्तर चुनेर पठाएको भन्दै जनताको आशालाई निराशा हुन नदिने प्रतिवद्धता जनाउनुभयो । उहाँले देशका लागि केहि गर्नुपर्छ भने आत्मविस्वास आफुमा रहेको जिकिर गर्नुभयो । साथै, नेता सिंहले बानेश्वरको पहिलो अवस्था थाहा पाउनको लागि ‘बानेश्वरको सेरोफोरो पुस्तक’ पुस्तक पढ्नु पर्ने बताउनु भयो ।
