काठमाडौं, 27 नवम्बर 2021

श्रम रोजगार तथा सामाजिक सुरक्षा मन्त्री किसान श्रेष्ठले मजदुरका समस्या समाधान गर्न कुनै कसुर बाँकी नराख्ने बताउनुभएको छ । शनिबार काठमाडौं मोर्डन स्कूल अल्मुनाईले गरेको कार्यक्रममा सफाई मजदुरहरुलाई ट्रयाक वितरण गर्दै मन्त्री श्रेष्ठले मजदुरका समस्या समाधन गर्न आफ्नो मन्त्रालय तयार रहेको बताउनुभएको हो । उहाँ आफू सामान्य किसानको छोरो भए पनि जनताले मन्त्रालयमा पठाएको बताउदै काम गर्ने मान्छेलाई जनताले साथ दिने बताउनुभयो । मन्त्री श्रेष्ठले आफू केही परिवर्तन गर्न मन्त्री बनेको उल्लेख गर्दै परिवर्तनका केही संकेत देखापरिसकेको बताउनुभयो । उहाँले श्रम विभागमा केही दिन अघि आफू अनुगमनमा जादा देखिएका दृश्य हुन अथवा कोरिया जानलागेका श्रमिकलाई ठगिनबाट बचाएका दृश्यहरु काफि भएको जानकारी दिनुभयो । कार्यक्रममा सरसफाई मजदुरहरुलाई २१ वटा संघसंस्थाले ट्रयाक सुट वितरण गरिएको थियो ।