काठमाडौं, 29 नवम्बर 2021
सहरी विकासमन्त्री रामकुमारी झाँक्रीले शहर र घर बस्नलायक हुनु पर्ने बताउनुभएको छ । संयुक्त राष्ट्रसंघीय विकास कोष (यूएनडिपी) र भारतीय दूतावासले सोमबार आयोजना गरेको कार्यक्रममा बोल्दै शहरि विकासमन्त्री झाँक्रीले भौतिक संरचनाहरु ब्लिया र भरपर्दा हुनुपर्ने बताउनुभएको हो । उहाँले नेपाल सरकार र शहरि विकास मन्त्रालयले भौतिक संरचना निर्माणलाई प्रविधिमैत्री बनाउन पहल गर्ने बताउनुभयो । मन्त्री झाँक्रीले आफू विद्यार्थी राजनीतिबाट आएकाले पनि सीप र ज्ञान हस्तान्तरणको पक्षमा रहेको बताउदै सबै क्षेत्रका नागरिकका लागि सरकारले सुरक्षित आवास निर्माणमा ध्यान दिनुपर्ने बताउनुभयो । उहाले सुरक्षित आवास निर्माणलाई सरकारले अघि बढाइरहेको समेत जानकारी दिनुभयो । कार्यक्रममा इञ्जिनीयरिङ र इञ्जिनीयरिङबिना निर्माण गरिएका दुई घर प्रदर्शनीमा राखिएको छ । ती घरमा भूकम्पको धक्का दिएर कतिसम्म थेग्न सक्छ भन्नेबारे परिक्षण समेत गरिएको आयोजकको भनाई छ ।
