काठमाडौं, 30 नवम्बर 2021
प्रधानमन्त्री एवं कांग्रेस सभापति शेर बहादुर देउवाले पार्टीलाई एकतावद्ध भएर अघि बढाउनुपर्ने बताउनुभएको छ ।सुवर्ण शमशेर अध्ययन प्रतिष्ठान र गणेशमान सिंह तथा सहिद स्मृति शान्ति प्रतिष्ठानले मंगलबार काठमाडौंमा आयोजना गरेको जिल्ला सभापति तथा क्षेत्रीय सभापति सम्मान कार्यक्रममा देउवाले यसअघि पार्टीभित्रै अन्तर्घात हुदा कांग्रेस कमजोर भएको भन्दै अव पार्टीलाई एकतावद्ध भएर अघि बढाउनुपर्ने बताउनुभएको हो ।कांग्रेसलाई अन्तर्घातबिहीन बनाउनुपर्ने भन्दै उहाले अर्को पार्टीको चिन्ता नभई आफ्नो पार्टीको चिन्ता गर्न नेताहरुलाई सुझाव दिनुभयो । त्यस्तै देउवाले पार्टीमा आफूले परिपक्क निर्णय गर्ने गर्दा ढिलो हुने गरेको भन्दै छिटो निर्णय गरेर पछुताउनुभन्दा निर्णय नगर्नु बेश भएको जिकिर गर्नुभयो । त्यसअघि कार्यक्रममा कांग्रेस प्रवक्ता विश्वप्रकाश शर्माले दलभित्र र बाहिर आफ्ना प्रतिस्पर्धीहरूप्रति असहिष्णु हुने प्रवृत्ति सुधार गर्न केपी ओलीलाई सुझाव दिनुभएको थियो । त्यस्तै उहाले देउवालाई समेत १४ औँ महाधिवेशनबाट नेतृत्व हस्तान्तरण गरेर विश्राम लिन सुझाव दिनुभयो । त्यस्तै कार्यक्रममा सहमहामन्त्री प्रकाशशरण महतले पार्टी नेतृत्वले समयमा नै निर्णय लिन नसक्दा समस्या हुने गरेको बताउनुभएको थियो । कार्यक्रममा रामचन्द्र घिमिरेले लेख्नुभएको राजनेता सुवर्ण शमशेर बिषयक पुस्तक बिमोचन गरिएको थियो ।
