ललितपुर, 4 दिसम्बर 2021

ललितपुरको पाटन दरबारक्षेत्रस्थित भीमसेन मन्दिरको पुनर्निर्माण अन्तिम चरणमा पुगेको छ । ललितपुर उद्योग वाणिज्य संघको अगुवाईमा पुनर्निर्माण भइरहेको भीमसेन मन्दिरमा शनिबार स्थानीय मिलेर मन्दिरको छानो झिंगटीले छाईएको छ । ‘हाम्रो सम्पदा हामी आफै बनाऔ’ भन्ने नाराका साथ स्थानीयहरुले श्रमदान गरेका थिए । सो क्रममा ऊर्जा, जलस्रोत तथा सिँचाइमन्त्री पम्फा भुसालले पनि पाटन दरबारक्षेत्रस्थित भीमसेन मन्दिर पुगेर श्रमदान गर्नुभएको थियो । उहाले मन्दिरको निर्माणको अवस्थाबारे पनि जानकारी लिनुभयो । मन्त्री भुसालले देशकै ऐतिहासिक भिनसेन मन्दिर जनताको सहभागीतामा नै पुननिर्मार्ण हुनु सकारात्मक रहेको बताउनुभयो । त्यस्तै मन्दिर पुनर्निर्माण सरोकार समितिका संयोजक कृष्णलाल महर्जनले भूकम्पपछि क्षति भएको मन्दिरको पुनर्निर्माण अन्तिम चरणमा पुगेको जानकारी दिनुभयो ।मन्दिर पुनर्निर्माण गर्न आवश्यक ४ करोड ९३ लाख रुपैयाँ स्थानीयको दान सहयोगबाट जुटाइएको थियो । २०७२ वैशाखको भूकम्पले क्षतिग्रस्त मन्दिर पुननिर्माणमा सरकारले चासो नदेखाए पछि स्थानीयले नै पुनर्निर्माण सुरु गरेका थिए ।