काठमाडौं, 29 दिसम्बर 2021

काठमाडौं उपत्यका आसपासका पहाडमा बुधबार हिउँ परेको छ । पश्चिमी वायुको प्रभावले चिसो बढेसँगै चन्द्रगिरी लगाएत काठमाडौं उपत्यका आसपासका पहाडहरुमा हिउँ परेको हो । चन्द्रगिरी डाँडामा हिउँ परेपछि बालबालिका, युवायुवतीका साथै विदेशी पर्यटकहरुको घुईचो लागेको थियो । हिउँ खेल्न चन्द्रागिरि उपत्यकाबासीको उत्कृष्ठ गन्तव्य रहदै आएको छ । पश्चिमी वायुका कारण चिसो बढ्दै गएपछि उपत्यकामा पानी परेसँगै चन्द्रागिरीलगायतका डाँडामा हिउँ परेको हो । बर्षा र हिमपातका कारण उपत्यका निकै चिसो बढेको छ ।