काठमाडौं, 31 दिसम्बर 2021
प्रधानमन्त्री तथा नेपाली कांग्रेसका सभापति शेरबहादुर देउवाले मुलुकमा राष्ट्रिय एकता आवश्यक रहेको बताउनुभएको छ । राष्ट्रिय एकता तथा मेलमिलाप दिवसको अवसरमा शुक्रबार काठमाडौंको सुन्दरीजलस्थीत बिपी सङ्ग्रहालयमा आयोजित कार्यक्रममा देउवाले अहिले संघीय संरचना अवलम्बन गरेकोभन्दै उनले सात प्रदेशबीच एकता आवश्यक भएको बताउनुभएको हो । उहाले अहिलेको मेलमिलाप भनेको सात प्रदेशबीचको एकता भएको जिकिर गर्नुभयो । नेपाल संघीय राज्य सञ्चालन प्रणालीमा गएको तथा देशले समावेशी सहभागिताको मर्म आत्मासाथ गरेको उहाको भनाई छ । उहाले संघीयताका बारेमा मानिसमा अझै पनि संशय पैदा भएकाले मुलुकुलाई एकतावद्ध गर्न कांग्रेसले नेतृत्वदायी भूमिका निर्वाह गर्ने धारणा राख्नुभयो । कार्यक्रममा प्रधानमन्त्री देउवाले बिपी सङ्ग्रहालयमा रहेको बिपी, गणेशमानलगायत नेताको शालिकमा माल्यार्पण गर्नुभएको थियो ।
