काठमाडौं, 6 जनवरी 2022
कृषि तथा पशुपन्छी विकासमन्त्री महिन्द्र राय यादवले मल, खाद समस्या समाधान हुने बताउनुभएको छ । बिहीबार रिपोटर्स क्लबले काठमाडौंमा गरेको साक्षात्कारमा उहाले भारतसँग जिटुजीमार्फत मल खरिदको सम्झौता हुने समेत जानकारी दिनुभयो । अहिले नेपाल सरकारसँग रहेको १२ हजार मेट्रिक टन युरिया र डिएपी मिलाएर किसानलाई बितरण गरिने बताउनुभयो । उहाले नेपालमा नै मल उत्पादनको लागि नेपालमा काखाना र फ्याक्ट्री लगाउनको लागि, लगानी बोर्डमा प्रस्ताव दर्ता भएको जानकारी दिनुभयो । अहिले नेपालमा विद्युतमा आधारित मल कारखाना निर्माणको कुरा भैरहेको उहाले बताउनुभयो । मन्त्री यादवले मलको समस्या समाधानको लागि जिटुजीमार्फत खरिद गरिने पनि जानकारी दिनुभयो । त्यस्तै, मल व्यवस्थापनको सम्बन्धमा प्रदेश सरकारलाई पनि केन्द्रबाट कार्यविधि बनाएर पठाएको यादवले बताउनुभयो । उहाले मुलुकका केहि स्थानमा देखिएको किसानका समस्या समाधान गर्ने दावी गर्नुभयो । त्यस्तै, उहाले उखुको मूल्य ५९० रुपैयाँ दिने भनेर निर्धारण गरिएको बताउनुभयो ।
