24 जनवरी 2022

 एक जना व्यक्तिले कैलालीमा श्रीमतीको हत्या गरेका छन् । आइतबार जिल्लाको गोदावरी नगरपालिका–९ का परशुराम रोक्कामगरले साँझ कुटपिट गरी श्रीमती भावनाको हत्या गरेका हुन् । श्रीमतीको हत्या गरेर रोक्कामगर फरार भएको र उनको खोजी गरिरहेको प्रहरीले जनाएको छ । कैलालीका जिल्ला प्रहरी कार्यालयले घरायसी विवादमा रोक्कामगरले कुटपिट गर्दै श्रीमतीको हत्या गरेको जनाएको छ । घटनाको अनुसन्धानका लागि इलाका प्रहरी कार्यालय नेतृत्वको टोली खटिएको छ ।