काठमाडौं, 18 फरवरी 2022
एमसीसीका बारेमा निर्णय गर्न बसेको सत्ता गठबन्धनका शिर्ष नेताहरूको बैठक शुक्रबार पनि निष्कर्षबिहीन भएको छ । प्रधानमन्त्री निवास बालुवाटारमा बसेको बैठकमा एमसीसीलाई अघि बढाउनका लागि हरेक कोणबाट छलफल भएपनि निष्कर्ष भने निस्कन नसकेको हो । बैठकपछि कांग्रेस नेता एवं सञ्चारमन्त्री ज्ञानेन्द्र बहादुर कार्कीले गठबन्धनको अर्को बैठक आइतबार बस्ने र एमसीसीका बारेमा आवश्यक निर्णय गर्ने जानकारी दिनुभयो । उहाले उहाले संसदको अवरोध हटाउन प्रधानमन्त्री देउवा बिहीबार राति प्रमुख प्रतिपक्षी नेकपा (एमाले) का अध्यक्ष केपी शर्मा ओलीलाई भेट्न गएको जानकारी दिनुभयो । बैठकमा सहभागी अन्य दलका नेताहरुले एमसीसीलाई सहमतिबाटै अघि बढाउन सुझाव दिएको कार्कीले बताउनुभयो।
