काठमाडौं, 22 मार्च 2022
अर्थमन्त्री जनार्दन शमाले बाहिर कमाएको पुँजी र सिकेको सीप नेपालमा सदूपयोग गर्न आह्वान गर्नुभएको छ । मंगलबार काठमाडौंमा गैरआवासीय नेपाली संघ एनआरएनएको १० औं विश्व सम्मेलन उद्घाटन गर्दै मन्त्री शर्माले बाहिरबाट सोचेजस्तो लगानी आउन नसकेको भन्दै बाहिर कमाएको पुँजी र सिकेको सीप नेपालमा ल्याउन आह्वान गर्नुभएको हो । उहाँले मुलुकले एनआरएनएप्रति निकै ठूलो विश्वास राखेको धारणा राख्नुभयो । मुलुकको विकासका लागि पनि एनआरएनएको निकै ठूलो भूमिका भएको उहाको भनाई छ । त्यस्तै अर्थमन्त्री शर्माले एनआरएनएका लागि नेपालमा बैंक खाता खोल्न सहज बनाइएको भन्दै सवैले १ हजार डलर राखेर बैंक खाता खोल्न आग्रह गर्नुभयो । मुलुकको बिकासका लागि बार्षिक १७ देखि २० खर्व लगानी आवश्यक रहेकाले बिभिन्न साझेदार संस्थाबाट ल्याएको लगानी प्रयाप्त नरहेको उहाले बताउनुभयो । अर्थमन्त्री शर्माले मुलुकको पूर्वाधार क्षेत्रमा लगानी भित्राउन सरकार इच्छुक रहको उल्ल्ेख गर्नुभयो । उहाँले ग्रामिण अर्थतन्त्रको बिकास नभएसम्म मुलुकको व्यापार घाटा न्युनिकरण गर्न नसकिने बताउनुभयो ।
