दिल्ली, 19 अप्रैल 2022
आईपीएलमा कोरोनाको प्रवेशपछि मंगलबार ठूलो निर्णय लिइएको छ । दिल्ली क्यापिटल्स र पञ्जाब किंग्सबीच बुधबार हुने खेल पुणेमा हुनेछैन । अब यो खेल मुम्बईमा नै हुनेछ । दिल्ली क्यापिटल्सको टोली क्वारेन्टाइनमा छ। दिल्लीका अलराउन्डर मिचेल मार्स र दुई स्टाफ सदस्यको परीक्षण सकारात्मक भएपछि यो निर्णय गरिएको हो। स्रोतका अनुसार मंगलबार बिहान करिब ९ बजे दिल्लीका सबै खेलाडीको कोरोना परीक्षण भएको थियो । यसको रिपोर्ट अझै आएको छैन । यसैबीच, खेलाडीको सुरक्षालाई ध्यानमा राख्दै सञ्चालक समितिले खेलको स्थान परिवर्तन गर्ने निर्णय गरेको छ ।
