दिल्ली, 30 जून 2022
श्रीमान र सासु घरमा नभएको बेला नेपाली युवतीले झुण्डिएर आत्महत्या गरेकी छन । उनलाई गम्भीर अवस्थामा उपचारका लागि एसटीएच अस्पताल लगिएको थियो । जहाँ उनको केही समयपछि मृत्यु भएको थियो । खबर पाएपछि प्रहरीले शवलाई पोष्टमार्टमका लागि पठाए पनि पोष्टमार्टमपछि ससुरालाई शव बुझाइएको थिएन । शव अभिभावकलाई बुझाइने प्रहरीले जनाएको छ । नेशनल लाईभ टिभीलाई प्राप्त जानकारी अनुसार बड़ी मण्डीमा मजदुरको काम गर्ने ज्योति बहादुर विक मूलतः नेपालको साताला दैलेख जिल्लाका स्थायी बासी हुन। विगत दुई महिनादेखि श्रीमती कल्पना वर्ष २० र आमाबुवासँग मण्डीचौकी क्षेत्रमा बस्दै आएका थिए । मृतकका लोग्ने ज्योतिले दुई वर्षअघि कल्पनासँग विवाह गरेको बताए । गएराति उनी मजदुरी गरेर घर फर्किएनन् र उनका आमाबुवा पनि कुनै कामको सिलसिलामा घरबाहिर गएका थिए । फर्किएपछि घरभित्रको दृश्य देखेर उनी छक्क परे । फाँसीमा झुण्डिएको अवस्थामा कल्पनाले सास फेरिरहेकी थिइन । हतारमा आफन्तले उनलाई झुण्डिएको पासोबाट निकालेर उपचारका लागि एसटीएच हॉस्पीटलमा ल्याए । जहाँ केही समयपछि उनको मृत्यु भयो । मृत्युको खबर पाएलगत्तै कल्पनाका आमा बुवाले पनि हल्द्वानीको लागि हिंडि सकेका छन। उनले शव ससुरालाई बुझाउन विरोध गरेका छन । अहिले शव मृतकका अभिभावकलाई बुझाइने प्रहरीले जनाएको छ । मण्डी चौकीका इन्चार्ज जयदीप नेगीले यस विषयमा उजुरी अहिलेसम्म प्राप्त नभएको बताए । उजुरी आएपछि कारबाही हुन्छ ।
