दिल्ली, 30 जुलाई 2022
अखिल भारत नेपाली एकता मंच गुजरात राज्य समीतिको समिक्षा मुलक बैठक सम्पन्न भएको छ। कार्यक्रमको अध्यक्षता गुजरात राज्य समिति अध्यक्ष तप्त बहादुर रावतले गर्नु भएको थियो भने कार्यक्रमको संचालन राज्य सचिव सुरेश बि क ले गरेका थिए। नेशनल लाईभ टिभीलाई मोहन सिंह देवकरले दिएको जानकारी अनुसार कार्यक्रममा अखिल भारत नेपाली एकता मंच केन्द्रीय महासचिव चक्र बहादुर मलाति प्रमुख अतिथिका रूपमा उपस्थित रहेका थिए भने बिशिष्ट अतिथिमा एकता मंच केन्द्रीय उपमहासचिव मोहन सिंह देवकर रहेका थिए। अतिथिमा एकता मंच का केन्द्रीय सदस्य एवं गुजरात राज्य समिति इन्चार्ज प्रकाश वि कको पनि सहभागिता रहेको थियो। 1 मिनेट मौनधारण बाट शुरुआत भएको कार्यक्रममा स्वागत मन्तब्य राज्य समिति उपाध्यक्ष रक्षा बिष्टले गरेकी थिइन । बैठकबाट नेपाली कांग्रेसको महाधिवेशन प्रतिनिधि समेत रहेर पुनः आफ्नो घर फर्किएका टिकाराम बिश्वकर्मा र लामोसमय देखी संगठन मा कार्यरत नविन बिश्वकर्मा, शेर बहादुर बिश्वकर्मा, बिरु ढकाल बिश्वकर्मा, राज्य समितिमा थप गरिएका छन, भने प्रकाश खडका, कृष्ण खडका, चक्र बहादुर बिश्वकर्मा, खडक चदारा, राज्य समीति मा प्रस्तावित गरिएका छन। आगामी कार्ययोजना मा कस्को भुमिका कती रहनेछ सोही अनुसार मुल्यांकन गर्ने निर्णय सर्वसम्मति बाट पारीत गरीएको छ। बैठकका प्रमुख अतिथि, विशिष्ट अतिथीले राज्य समिति को आगामी कार्ययोजना र महिलाहरु को महान पर्व भव्यताका साथ मनाउने र राज्य समिति ले बनाएको कार्ययोजना लाई दृढता का साथ का साथ कार्यान्वयन गर्नु पर्ने कुरा राखेका थिए। प्रमुख अतिथि महासचिव चक्र बहादुर मलातीले अहिले को राजनीति राष्ट्रिय अन्तर्राष्ट्रिय परिस्थिति बारेमा प्रशिक्षण मुलक मन्तव्य राखेका थिए।









































