काठमाडौं, 27 सितंबर 2022     

नेपाल बंगलादेशविरुद्धको मैत्रीपूर्ण खेलमा विजयी भएको छ । नेपाल ३-१ ले विजयी भएको हो । नेपालको जितमा अन्जन विष्ट नायक बने । दशरथ रंगशालामा मंगलबार भएको अन्तर्राष्ट्रिय मैत्रीपुर्ण खेलमा नेपालले बंगलादेशविरुद्ध ३-१ को जित निकालेको हो । नेपालका लागि तिनै गोल अन्जन बिष्टले गरेका हुन् । राष्ट्रिय टिमका लागि अन्जनको यो पहिलो ह्याट्रिक हो । नेपालले बंगलादेशमाथि खेललाई १७औं, २६औँ  र ३७औँ मिनेटमा गोल गर्दै ३-० को अग्रता लिएको थियो भने बंगलादेशले दोस्रो हाफमा एक गोल फर्काएको थियो । अन्जनले राष्ट्रिय टिमका लागि यो ह्याट्रिकसहित १० गोल गरेका छन् ।  साथै अन्जनको बंगलादेशविरुद्ध यो चौथो गोल हो । नेपाल र बंगलादेशबीच यो सहित २५ खेल भएको छ । जसमा बंगलादेश १२ खेलमा विजयी भएको छ भने नेपालले यो जितसहित ८ खेलमा जित हासिल गरको छ । त्यस्तै ५ खेल बराबरीमा सकिएका छन् । यस खेलबाट नेपालका लागि ऋतिक खड्का र आशीष चौधरीले डेब्यु गरे । यो खेलसँगै नेपाल बांग्लादेशविरुद्धका पछिल्ला पाँच प्रतिस्पर्धामा अपराजित रहेको छ ।