8 अक्टूबर 2022
रुसले सन् २०१४ मा युक्रेनबाट टुक्र्याएको क्राइमिया क्षेत्रलाई रुससँग जोड्ने एक मात्र पुल भत्किएको छ । बिस्फोटपछि रुसका लागि रणनीतिक रुपमा महत्वपूर्ण पूल भत्किएको अन्तर्राष्ट्रिय सञ्चारमाध्यमले जनाएका छन् । बिस्फोटपछि पुलमा रहेका तेलका ट्यांकरमा आगलागी भएको थियो । रुसी राष्ट्रपति भ्लादिमिर पुटिनको आदेशमा पुल निर्माण भएको थियो । सो पुल युक्रेनमा रुसी सैन्य सामग्री आपूर्ति गर्नका लागि रुसको प्रमुख मार्ग थियो । युक्रेनी राष्ट्रपतिका सल्लाहकार मिखाइलो पोडोल्याकले पुलमा भएको बिस्फोटलाई ‘सुरुवात’ मात्र भनेका छन् । उनले भनेका छन्, ‘अवैध रुपमा निर्माण गरिएका सबै संरचना भत्काइने छ, सबै चोरिएका चिजहरु फिर्ता गरिने छन् ।’
रुसी राष्ट्रपतिलाई बिस्फोटबारे जानकारी गराइएको अन्तर्राष्ट्रिय सञ्चारमाध्यमले जनाएका छन् । पुटिनले पुलमा भएको बिस्फोटबारे अनुसन्धान गर्न आदेश दिएको प्रवक्ताले बताएका छन् ।
