काठमाडौं, 17 नवम्बर 2022
निर्वाचन आयोगले मंसिर ४ गते हुने निर्वाचनको ‘स्थिर समय’ (मौन अवधि) आज राति १२ बजेदेखि सुरु हुने जनाएको छ ।
आयोगले ‘स्थिर समय’मा प्रचारप्रसार लगायत कुनै पनि चुनावी गतिविधि गर्न नपाइने जनाएको छ । निर्वाचन आयोगका आयुक्त रामप्रसार भण्डारीका अनुसार निर्वाचनको ४८ घण्टाअघि ‘समय स्थिर’ लागू गरिएको छ ।
‘स्थिर समय’ मा कसैले प्रचारप्रसार गरेको पाइए निर्वाचन कसुर तथा सजाय ऐनले गम्भीर प्रकृतिको कसुर मानेर कडा सजाय गरिने आयोगले जनाएको छ ।
