गण्डकी, 22 नवम्बर 2022
स्याङजाको चापाकोटमा कांग्रेसले बुथ कब्जा गरेर मतदान गरेको भन्दै एमालेलगायतका दलहरुले विरोध गर्दा मतगणना हुन सकिरहेको छैन । यो मतदान केन्द्र स्याङ्जा क्षेत्र नम्बर २ मा पर्छ । मृत्यु भइसकेका ४७ जनाको नामबाट कांग्रेसले बुथ कब्जा गरेर मतदान गरेको एमालेको दाबी छ । उक्त विषयमा विवाद भएपछि मतगणना हुन सकिरहेको छैन । चुनावको दिन स्याङजाको चापाकोट नगरपालिका-१ आँधीचौघेरास्थित भानु मावि मतदान केन्द्रमा कांग्रेस र एमालेका प्रतिनिधिबीच विवाद भएपछि प्रहरीले हवाइ फायर समेत गरेको थियो । यस्तै, विदेशमा गएकाहरूको नामबाट पनि मतदान गरिएको एमालेले दाबी गरेको छ ।
