काठमाडौं, 11 फरवरी 2023
उपप्रधान एंव अर्थमन्त्री विष्णुप्रसाद पौडेलले अटोमोबाइल्स विलासिताको वस्तु नभई आवश्यक्ता भएको बताएका छन् । अटो व्यवसायीहरुको साझा संस्था नाडा अटोमोबाइल्स एसोसिएसनको ४६औं वार्षिक साधारण सभालाई सम्बोधन गर्दै उनले यस्तो बताएका हुन्। अर्थमन्त्री पौडेलले अटोमोबाइल आवश्यक्ताको वस्तु भएको बताएका छन् । यद्यपी, केही सवारी साधन भने विलासिताको वस्तुकारुपमा समेत रहेका हुन सक्ने उनको भनाइ छ । निजी क्षेत्रले ११ लाख जनालाई प्रत्यक्ष र अप्रत्यक्षरुपमा रोजगारी दिइरहेको र राजश्वमा २१ प्रतिशत हिस्सा ओगट्ने क्षेत्र अटोमोबाइल्स भएको सुनाएपछि अर्थमन्त्रीले यस्तो बताएका हुन् । अटोमोबाइल्स क्षेत्रलाई विलासिताको वस्तुको ट्याग लगाएर बस्न नसकिने पौडेलले भनाइ छ । यस क्षेत्रलाई विलासिताको वस्तुको सूचीमा नराख्न नाडाले दिएको सुझाव सरकारले समेट्ने उनले बताएका छन्।
