काठमाडौं, 11 फरवरी 2023
जनमत पार्टीका अध्यक्ष डा. सीके राउतले राज्यको संरचनामा नयाँ प्रविधि बुझेको मान्छे हुनुपर्ने बताएका छन् । काठमाडौंको भृकुटीमण्डपमा चलिरहेको सूचना प्रविधि मेलाको अवलोकन गर्दै अध्यक्ष राउतले यस्तो बताएका छन्। उनले राजनीतिक तहमा प्रविधिसँग जानकार व्यक्तिको पहँच भएमा देशमा प्रविधिको विस्तार गर्न सहज हुने बताएका हुन् ।
राउतले भने, ‘सूचना र प्रविधि क्षेत्रको विषयमा जानकार नभइदिँदाखेरि हाँस्यास्पद स्थितिहरु पनि हामीले देख्ने गरेका छौं । त्यो भएर सकेसम्म राजनीतिक ठाउँमा प्रविधिसँग जानकार व्यक्तिको पहुँच भयो भने प्रविधिको विस्तार गर्न सहज हुन्छ’ ।
राज्यले कुनै पनि प्रविधिको प्रयोग गर्दा त्यसको सुरक्षाको सम्बन्धमा ध्यान दिनुपर्ने पनि बताए ।
