काठमाडौं, 11 मार्च 2023
नेकपा (एमाले) बाट उपाध्यक्ष अष्टलक्ष्मी शाक्यले उपराष्ट्रपतिमा उम्मेदवारी दिएकी छन्। नयाँ बानेश्वरस्थित संघीय संसद् भवनको ल्होत्से हलमा पुगेर शाक्यले उम्मेदवारी दिएकी हुन्। उनी बागमती प्रदेशकी पूर्व मुख्यमन्त्री हुन्। शाक्यको प्रस्तावक एमाले अध्यक्ष केपी शर्मा ओली, सुवासचन्द्र नेम्वाङ, छविलाल विश्वकर्मा, रघुवीर महासेठ र गोकर्ण विष्ट छन्। त्यस्तै, समर्थकमा महेश बर्तौला, तुलसा दाहाल, कृष्णगोपाल श्रेष्ठ, भगवाती न्यौपाने र यशोदा रिजाल छन्। निर्वाचन अधिकृतको कार्यालयले आज बिहान ९ देखि दिउसो २ बजेसम्म उम्मेदवारी दर्ताका समयत तोकेको छ। उपराष्ट्रपतिका लागि चैत ३ गते निर्वाचन हुनेछ।
