अहिलेकै अवस्थामा बजेट पास हुन दिँदैनौँ : राजेन्द्र पाण्डे
काठमाडौं, 9 जुन 2023
नेकपा (एकीकृत समाजवादी) का उपाध्यक्ष राजेन्द्रप्रसाद पाण्डेले अहिलेकै अवस्थामा बजेट पास हुन नसक्ने बताएका छन् । शुक्रबार काठमाडौंमा भएको पार्टी निकट समाजवादी प्रेस संगठनको पहिलो केन्द्रीय अधिवेशनलाई सम्बोधन गर्दै उनले यस्तो बताएउनले वर्तमान बजेट असमानता र अन्यायपूर्ण रहेको भन्दै यथास्थितिमा कुनै पनि हालतमा बजेट पास हुन नदिने बताए । उनले ११० करोड डडेलधुरा, ५५ करोड गोरखा र ७०/७५ करोड नुवाकोटमा गरी कुल २३२ करोड बजेट छुट्याइएको र बाँकी ७४ जिल्लामा २६८ करोड बजेट छुट्याइएको भन्दै यो कुनै पनि अवस्थामा सह्य नहुने चेतावनी दिए ।
उनले भने, ‘यथास्थितिमा बजेट पास गर्न दिँदैनौँ। डडेल्धुरामा १०५ अर्ब गोरखा ५५ अर्ब ७५ अर्ब तीन जिल्लामा छन्। अध्यक्ष विदेश हुनुहुन्थ्यो, प्रतिक्रिया दिनु भएको छ। १६५ निर्वाचन क्षेत्रमा असमान व्यवाहार गरिएको छ। पार्टीभित्रै पनि असमान व्यवाहार सहँदैनौँ। सरकार छाड्न परे पनि यथास्थितमा बजेट पास गर्न दिँदैनौँ।’
यही जेठ १५ गते बजेट बिनियोजनका क्रममा सरकारले आफूहरूको जिम्मेवारीमाथि नै हस्तक्षेप गरी तीन जिल्ला: डडेलधुरा, गोरखा र नुवाकोटमा मात्र केन्द्रित भएको समाजवादीको आरोप छ।
