नक्कली भुटानी शरणार्थी प्रकरण: इतिहासकै ठूलो अनुसन्धान र कारबाही भएको छ
काठमाडौं, 28 जुन 2023
प्रधानमन्त्री पुष्पकमल दाहालले आफू नेतृत्वको सरकारले नक्कली भुटानी शरणार्थी प्रकरणमा इतिहासकै ठूलो अनुसन्धान र कारबाही भएको छ। सो कारबाहीपछि जनतामा विश्वास जाग्न सुरु भएको उनको भनाई छ । आज (बुधबार) प्रतिनिधिसभाको बैठकलाई सम्बोधन गर्दै प्रधानमन्त्री दाहालले यस्तो बताए ।
उनले भने,‘हाईप्रोफाईल व्यक्तिहरु कानूनभन्दा माथि छन् भन्ने आम मनोविज्ञान बनिरहेको बेलामा र त्यसले जनतामा ठूलो आक्रोश जन्माईराखेको बेलामा । त्यो असन्तोषले लोकतन्त्रप्रति नै नकारात्मक धारणा बनिरहेको थियो । र, नक्कली भुटानी शरणार्थी प्रकरणमा इतिहासकै ठूलो अनुसन्धान र कारबाहीपछि जनतामा विश्वास जाग्न सुरु भएको छ ।
नक्कली भुटानी शरणार्थी प्रकरणको सफल अनुसन्धानबाट सरकारले कानूनको सर्वोच्चता मात्र प्रमाणित गरेको छैन्, लोकतन्त्रको सर्वोच्चता पनि स्थापित गरेको छ ।’
लोकतन्त्रभित्र देखापरेका समस्याको समाधान पनि लोकतन्त्रबाट नै प्राप्त हुने कुरा उल्लेख गर्दै प्रधानमन्त्री दाहालले यसपटक राम्रो मापदण्ड देखाईएको स्पष्ट पारे । उनले अहिलेको शुद्धिकरण अभियान यत्तिमै नरोकिने पनि जिकिर गरे ।
प्रधानमन्त्रीले अर्को वर्षदेखि सांसदहरुको सल्लाहमै बजेट निर्माण गर्ने प्रतिवद्धता जनाए।
संसदलाई सम्बोधन गर्दै उनले अर्को वर्षदेखि बजेट निर्माण प्रणालीमा सुधार गर्ने प्रतिवद्धता जनाएका हुन् । बजेट वक्तव्यमै मन्त्रालयगत बजेट सीमा निर्धारण भएपछि फागुन मसान्तबाटै सिद्धान्त र प्राथमिकता संघीय संसदमा पेश गर्ने व्यवस्था मिलाउने उल्लेख गरेको प्रचण्डले बताएका छन् ।
‘आगामी वर्षदेखि बजेट निर्माणमा प्रतिनिधिसभाका प्रत्यक्ष निर्वाचित सांसदको संयोजकत्वमा सम्बन्धित क्षेत्रका अन्य सांसदहरु समेतको सल्लाहअनुसार बजेट निर्माण गर्ने परिपाटी सुरु गर्ने प्रतिबद्धता व्यक्त गर्दछु ।’, प्रधानमन्त्रीले भने ।
प्रधानमन्त्रीले आफू नेतृत्वमा सरकार गठन भएको ६ महिना पुरा भएको र त्यसमा धेरै उपलब्धि हासिल भएको दावी गरेका हुन् ।
उनले आफूले प्रधानमन्त्रीको रुपमा देशको बागडोर सम्हाल्दा मूलुक आर्थिक संकटको अवस्थामा रहेको भएपनि अहिले आर्थिक सुधारको बाटोमा उन्मुख भएको र राहदानी निर्माण, राष्ट्रिय परिचयपत्र लगायतमा देखिएका समस्या समाधान भएको दावी गरे ।
राहादानी लिन त्यस्तै सकस थियो । विचौलीयालाई हजारौं तिरेर र हप्तौं लाईन बसेर ठुलो प्रतिक्षापछि मात्र राहदानी हात पथ्र्यो । अहिले राहादानी विभाग अगाडि भिड छैन । आवेदन दिन कुनै विचौलीया चाहिँदैन,’ उनले भने-‘आफनै मोबाईलबाट निवेदन दिन सकिन्छ । पछिल्ला ७ महिनामा मात्र १८ लाख ४ सय ३१ विद्युतीय राहदानी वितरण भएको छ । राष्ट्रिय परिचय पत्रमा पनि ठुलो सुधार आएको छ ।’
त्यस्तै उनले श्रीलंकाको जस्तो गम्भिर अर्थिक संकटतर्फ उन्मुख मुलुकको अर्थतन्त्रले अहिले राम्रो लय समातेको दावी गरे ।
‘हामीले सरकार सम्हाल्दा गम्भिर प्रकारका आर्थिक समस्या थियो । एउटा भाष्य बनेको थियो आम रूपमा । नेपालको नियति श्रीलंकाको जस्तै हुने भयो,’ उनले भने- ‘यो भाष्य वौद्धिक वर्गमा मात्र सीमित थिएन । आम नागरिकसम्म पनि पुगेको थियो । टेलिभिजन र मोबाइलको स्क्रिनमा छाइरहेको श्रीलंकाको तस्बिरले सिंगो देशलाई आशंकित पारेको थियो । एक हदसम्म त्रसित बनाएको थियो । जतिसुकै निराशावादी पनि श्रीलंकाको दुस्वप्नबाट जागिसकेको छ ।’
उनले आफूले विश्वासको मत माग्दा नै हरेक पटक रिपोर्टकार्डका साथ उपस्थित हुने बाचा गरेको भन्दै सांसदले उठाएका सबै प्रश्नको जवाफ दिने बताए ।
प्रधानमन्त्री प्रचण्डले विदेशी मुद्रा सञ्चिति बढेको, व्यापार घाटा कम भएको, गत वर्षको यही समयको तुलनामा पर्यटक दोब्बर बढेकोले अर्थतन्त्र सुधार उन्मुख भएको दाबी गरेका छन्।
यो भिडियो पनि हेर्नुहोस्…
- रेलबाट खसेर नेपाली पुरुषको मृत्यु
- सर्वोच्चले बालेनसँग माग्यो लिखित जवाफ
- ओलीसँग श्वेताको भेट
- सर्वोच्चले बालेनसँग माग्यो लिखित जवाफ
- ललिता निवास जग्गा प्रकरण
- बिजुली बेच्ने नेपालको फाइल भारतले बंगलादेश पठायो
