कंगनाको ‘तेजस’मा फाइटर रुप
दिल्ली, 6 जुलाई 2023
यतिबेला अभिनेत्री कंगना रानौत चर्चाको शिखरमा छिन् । बुधवार कंगनाले आफ्नो नयाँ फिल्म ‘तेजस’ को बारेमा अपडेट गराएकी छिन् ।
उनले आफ्नो फिल्म ‘तेजस’ को प्रशंसा गर्दै रितिक रोशनको फिल्म ‘फाइटर’ लाई कटाक्ष गरेकी छिन् । कंगनाले आगामी दसैंको अवसर पारेर ‘तेजस’ को प्रदर्शन मिति घोषणा गरेकी छिन् । यो फिल्ममा कंगना वायुसेना अधिकारी तेजस गिलको भूमिकामा देखिदैँछिन् । यो फिल्मको कथा एउटा पाइलट र देशको रक्षा गर्ने बहादुर सैनिकमा आधारित छ ।
फिल्मको घोषणा गर्दै कंगनाले तेजसलाई भारतको पहिलो हवाई एक्शन फिल्म भएकोसमेत बताएकी छिन् ।
त्यस्तै, रितिक रोशनको फिल्म ‘फाइटर’ लाई भारतको पहिलो एरियल एक्शन फ्रेन्चाइजी पनि भनिएको छ । फिल्मको टाइटलको यो लडाईँमा कंगनाले आफ्नो फिल्म ‘तेजस’ लाई रितिकको ‘फाइटर’ भन्दा अगाडि नै रिजिल होस् भन्ने सुनिश्चित गरिरहेकी छिन् ।
केहि समय अगाडि ओटीटीमा कंगनाको ‘टीकू वेड्स शेरु’ रिलिज भएको थियो । यो फिल्ममा नवाजुद्दीन सिद्दीकी र अवनीत कौरको अभिनय रहेको थियो । यो फिल्मले सोचे जस्तो सफलता हासिल गर्न सकेन ।
क्ंगनाको तेजस अक्टूबर २० मा रिलिज हुने कुरा छ भने फाइटर २०२४ को जनवरी २५ मा रिलिज हुँदैछ ।
यो समाचार पनि पढनुहोस्…
