रणवीर र आलियाप्रति कंगनाद्वारा आलोचना
दिल्ली, 1 अगस्ट 2023
विभिन्न कारणले चर्चा र विवादमा आइरहने बलिउड अभिनेत्री कंगना रनावतले फेरि एकपटक आफ्नो भनाइका कारण चर्चामा आएकी छन्।
कंगनाले रणवीर सिह र आलिया भट्ट फिल्म रकी और रानीको आलोचना गरेकी छिन्।
फिल्मप्रति प्रतिक्रिया जनाउँदै उनले फिल्म बकवास रहेको र निर्माता करण जोहरले ९० को दशकको आफ्नै फिल्मको नक्कल गरेको आरोप लगाएकी हुन्।
कंगनाले हालै रणवीर कपुर, आलिया र आफ्नी छोरीलाई नलिई आफ्नी आमा नितु कपुरलाई सरप्राइज दिन लण्डन पुगेको प्रसंग निकाल्दै भनेकी छिन् फर्जी जोडीको परिवारबाट हालै एक पारिवारिक यात्रामा पनि पत्नी र छोरीलाई वञ्चित गरिएको थियो।
रणवीरको पितालाई फिल्म माफिया भन्दै उनले लेखेकी छन् माफिया पिताको दबाबमा विवाह गर्ने ती अभिनेतालाई पापाकी परिसँग विवाह गरेपछि तीनओटा फिल्मका सिरिजमा खेलाउने दाबी गरिएको थियो। अब भने ती अभिनेता नक्कली विवाहबाट छुट्कारा पाउने कोशिस गरिरहेका छन्। तर, दुःखको कुरा यो हो कि, यो भारत हो र यहाँ एकपटक विवाह भएपछि सकियो। अब सुध्रिनुहोला।
कंगनाको यो पोस्ट सामाजिक सञ्जालमा चर्चा र विवादको विषय बनिरहेको छ। बलिउडमा नातावाद र कृपावाद हाबी भएका कारण आफू जस्तो कलाकारलाई अघि बढ्न बढी संघर्ष गर्नुपरेको बताउँदै आएकी कंगना बेला बेला बलिउड स्टार किड्सको विरोधमा बोल्ने गर्छिन्। जसका कारण उनी कहिले चर्चा त कहिलो विरोध झेलिरहेकी हुन्छिन्।
यो समाचार पनि पढनुहोस्…
- पेट्रोल र डिजेलको मूल्य बढ्दै, सिलिन्डरमा १०० रुपैयाँले घट्दै
- टी-२० विश्वकप छनोटका लागि नेपालको प्रारम्भिक टोली घोषणा