सरकारको पछिल्लो कदमबाट राज्य दोहनकर्ता र तस्करहरू तर्सिए: प्रचण्ड
काठमाडौं, 10 अगस्ट 2023
प्रधानमन्त्री पुष्पकमल दाहाल प्रचण्डले सरकारको पछिल्लो कदमबाट राज्य दोहनकर्ता र तस्करहरू तर्सिएको बताएका छन् । सिंहदरबारमा आयोजित प्रधानमन्त्री र संघीय सरकारका मन्त्रीहरूबीच कार्यसम्पादन सम्झौतामा हस्ताक्षर कार्यक्रमलाई सम्बोधन गर्दै उनले यस्तो बताएका हुन् ।
प्रधानमन्त्री प्रचण्डले अर्थतन्त्रको पुनरुत्थान, सार्वजनिक सेवा प्रवाहमा सुधार, सामाजिक न्याय, सुशासन र समृद्धिलाई केन्द्रमा राखी सरकारले आफ्ना सम्पूर्ण शक्ति र सामर्थ्य लगाइ देश र जनताको हितमा परिचालन गर्न जोड दिँदै आएको बताए ।
सुशासन, सामाजिक न्याय र समृद्विको यात्राका लागि शासकीय संयन्त्रहरू चुस्त दुरूस्त हुनुपर्ने उनको भनाइ छ ।
उनले सरकारको भ्रष्टाचारविरोधी अभियानका कारण राज्यदोहन गर्ने र तस्करहरू अत्तालिएको बताए।
प्रधानमन्त्री प्रचण्डले भने, ‘सरकार भ्रष्टाचारविरोधी अभियानका कारण राज्यदोहन गर्ने र तस्करहरु अत्तालिएका छन्। सरकारले अझै भ्रष्टाचारविरोधी कदम चालोस् भन्ने पक्षमा जनता छन्’।