सीता दाहालको पार्थीव शरीरमा श्रद्धाञ्जली अर्पण
काठमाडौं, 12 जुलाई 2023
नेकपा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डकी दिवंगत पत्नी सीता दाहालको पार्थीव शरीर मा पार्टीको झण्डा ओढाएपछि नेता–कार्यकर्ता, आफन्त र शुभेच्छुकहरुले श्रद्धाञ्जली अर्पण गरेका छन् । दिवंगत सीतालाई श्रद्धाञ्जली दिन पूर्वप्रधानमन्त्रीहरु, विभिन्न पार्टीका शीर्ष नेता, माओवादी केन्द्रका नेता-कार्यकर्ता, कूटनीतिक नियोगका प्रतिनिधिलगायत पेरिसडाँडा पुगेका छन् ।
उनी लामो समयदेखि अस्वस्थ थिइन्।
पूर्वराजा ज्ञानेन्द्र शाह र उनकी पत्नी कोमल शाहले प्रधानमन्त्री पुष्पकमल दाहालकी पत्नी सीता दाहालको निधनमा शोक व्यक्त गरेका छन्। उनले माओवादीका महासचिव देव गुरुङलाई भेटेर पूर्वराजारानीको समवेदना सुनाएका थिए।
प्रचण्डकी दिवंगत पत्नी सीता दाहालको राजकीय सम्मानसहित अन्त्येष्टि गरिने भएको छ। मन्त्रिपरिषद्को बैठकले ‘प्रथम महिला’को रुपमा राजकीय सम्मानसहित दाहालको अन्त्येष्टि गर्ने निर्णय गरेको हो।
दाहालको निधनपछि बसेको मन्त्रिपरिषद्को आकस्मिक बैठकले ‘प्रथम महिला’को दाहालको अन्तिम संस्कार गर्ने निर्णय गरेको हो।
मन्त्रिपरिषद् बैठकबारे जानकारी दिँदै सरकारका प्रवक्ता एवम् सञ्चार तथा सूचना प्रविधिमन्त्री रेखा शर्माले दिवंगत सीता दाहालको अन्त्यष्टिको समयमा राजकीय सम्मान स्वरुप नेपाली सेनाको २ सेनामुख, स्कर्टपति सहसेनानीको एक टुकडीद्वारा सलामी दिने व्यवस्था मिलाउने भएको जानकारी दिइन्।
