वाशिङ्गटन, 7 जनवरी 2021
अमेरिकी संसद अर्थात (युएस काँग्रेस) ले गत 3 नोभेम्बरमा भएको राष्ट्रपति निर्वाचनमा जो बाइडेनको जीतको पुष्टि गरेको छ । तर यो घोषणाका लागि वाशिङ्गटन डीसीस्थित क्यापिटोल हीलमा बाईडेनलाई विजयी घोषणा गर्न बहस चलिरहेको थियो । त्यही बेला निवर्तमान राष्ट्रपति डोनाल्ड ट्रम्प समर्थकले हिंसक प्रदर्शन गर्दा 4 जनाको मृत्यु भएको छ भने कयौं पुलिसकर्मी घाईते भएका छन । क्पापिटोल हीलमा चुनाव परिणामको आधिकारीक घोषणा गर्नका लागि गणना चलिरहेका बेला ट्रम्पका हजारौं समर्थकहरुले सडक प्रदर्शन गर्दै क्यापिटोल हीलमा पुगेका थिए । उनिहरुले ट्रम्पलाई सत्तामा यथावत राख्न र पुनः मतगणना हुनुपर्ने माग गरिरहेका थिए । हिंसापछि नवनिर्वाचित राष्ट्रपति जो बाईडेन र पूर्व राष्ट्रपति बाराक ओबामाले प्रदर्शनको निन्दा गर्नु भएको छ ।
युएस काँग्रेसले जो बाईडेनलाई आधिकारिक विजेता घोषित गरेपछि डोनाल्ड ट्रम्पले बयान दिँदै आफुले निर्वाचनको परिणामलाई समर्थन नगरेपनि 20 जनवरीमा कानून सम्बत रुपमा बाईडेनलाई सत्ता हस्तान्तरण गर्ने बताउनु भएको छ । यद्धपी ट्रम्पले हार स्वीकार नगरेको र नतीजालाई अदालतमा चुनौती दिने बताउनु भएको छ ।
बाईडेनले 8 करोड मतसहित निर्वाचन समितिको 306 मत हासिल गरेका छन । राष्ट्रपति निर्वाचित हुनका लागि 270 मतको आवश्यकता पर्दछ । ट्रम्पलाई भने 232 मत मिलेको छ ।
