काठमाडौं, 26 अक्टोबर 2023
अमेरिकाको मेने राज्यको शहर लेविस्टनमा एक व्यक्तिले अन्धाधुन्ध गोलाबारी गर्दा २२ जनाको मृत्यु भएको छ । घटनामा ६० जनाभन्दा घाइते भएका छन् । सिटी काउन्सिलर रोबर्ट म्याक्कार्थीले बलिङ एल्ली र अर्को स्थान एउटा स्थानीय रेस्टुरेन्ट र बारमा भएको गोलीबारीमा मर्नेहरूको सङ्ख्या बढेर २२ पुगेको जानकारी दिएको अन्तर्राष्ट्रिय समाचार माध्यमहरुले जनाएको छ।
उहाँका अनुसार घाइतेहरूको उपचारका लागि सेन्ट्रल मेने वरपरबाट उद्धार गर्न सवारी साधन पुगेका थिए र दुई लेविस्टन अस्पतालले उनीहरूको उपचारका लागि बिदामा बसेका सबै कर्मचारीलाई बोलाएको छ । अस्ट्रेलियाका प्रधानमन्त्रीको सम्मानमा रात्रिभोज भइरहेका बेला राष्ट्रपति जो बाइडेनले फोन गरेर मेनेका गभर्नर, दुई सिनेटर र एक स्थानीय काङ्ग्रेसका सदस्यलाई फोन गरेर सङ्घीय सहयोग प्रस्ताव गर्न आग्रह गरेको ह्वाइट हाउसले बताएको छ ।
स्थानीय प्रहरीले बलिङ एल्लीभित्र अर्ध–स्वचालित हतियार लैजाँदै गरेका एक बन्दुकधारीको फोटो फेसबुकमा पोस्ट गरेको छ । प्रहरीले ४० वर्षीय रोबर्ट कार्डका लागि एउटा बुलेटिन जारी गर्दै सामूहिक गोलीबारीका सन्दिग्धलाई ‘सशस्त्र र खतरनाक मान्नुपर्छ’ भनेको छ । “ तपाईँ उसको ठेगानाबारे जान्नुहुन्छ भने कृपया कानुन प्रशासनसँग सम्पर्क हुनुहोस् ।”प्रहरीले एउटा सेतो एसयुभीको तस्बिर पनि जारी गरेको छ । प्रहरीले गाडीको अगाडिको बम्बर कालो रङको हुनसक्ने भन्दै गाडीको पहिचानका लागि सार्वजनिक सहयोगका लागि आग्रह गरेको छ ।
