दिल्ली, 10 अक्टूबर 2022
भारतको समाजवादी पार्टीका संस्थापक एवम् उत्तर प्रदेशका पूर्व मुख्यमन्त्री मुलायम सिंह यादवको निधन भएको छ । यादवको गुरुग्रामको अस्पतालमा निधन भएको हो । सोमबार बिहान 8:16 बजे उनले अन्तिम सास लिए । केही दिनदेखि बिरामी रहेका यादवको आज 82 वर्षको उमेरमा गुरुग्राममा रहेको मेदान्त अस्पतालमा निधन भएको भारतीय सञ्चारमाध्यमले जनाएका छन् । पिसाबको संक्रमणसँगै रक्तचाप र श्वासप्रश्वासमा समस्या भएपछि उहाँलाई एक हप्ता अघि अस्पताल लगिएको थियो । यादव सन् 1989 मा पहिलो पटक उत्तर प्रदेशको मुख्यमन्त्री बन्नु भएको थियो । भारतीय प्रधानमन्त्री नरेन्द्र मोदीले उहाँको निधनप्रति दुःख व्यक्त गर्दै यादव लोकतन्त्रका लागि एक प्रमुख सैनिक भएका उल्लेख गर्नु भएको छ ।
