नयाँ दिल्ली ९, जनवरी २०२०
हिजोको वर्षा र हिमपातका कारण देशको उत्तरी भागहरुमा चिसो बढेको छ । दिल्ली, हरियाणा, उत्तर प्रदेश, हिमाचल प्रदेश र उत्तराखंड लगायत अन्य क्षेत्रहरुमा वर्षा र हिमपात भएको छ । यस क्षेत्रहरुमा चिसो हावा चल्नुका साथै अझै चिसो बढिरहेको छ ।
हिजो राष्ट्रिय राजधानी दिल्ली र वरपरका क्षेत्रहरुमा हल्का वर्षा भएको थियो । दिल्लीमा १० दशमलव ६ मिलिमिटर वर्षा भई रेकर्ड तोडेको छ ।
मौसम अधिकारीहरुले आज पनि मौसम बदलीने जानकारी गराएका छन् । अधिकतम र न्युनतम तापमान १६ देखि ९ डिग्री सेल्सियस रहनेछ ।
उत्तराखंडमा हिमपात र बाक्लो कुइरोले गर्दा मानिसहरुको जनजीवनमा प्रभाव पारेको छ । राज्यको मैदानमा सडक यातायात र रेल सेवाहरुमा पनि नराम्रो असर परेको छ । आज बिहान विमान सेवा पनि प्रभावित भएको थियो । राज्यमा हिमपातका कारणले गर्दा धेरै सडकहरु बन्द भएका छन् ।
मसुरीमा २ घण्टा ठुलो हिँउ परेको थियो । नैनीताल र केही अन्य स्थानहरुमा विद्यालय र आंगनबाडी केन्द्रहरु बन्द गरिएका छन् । नैनीतालमा हिमपातको आनन्द लिनको लागि पर्यटकहरुको संख्या अझै बढिरहेको छ ।