9 अक्तूबर 2021

करार अवधि सकिँदा पनि दशैँमा कम्पनीले घर नपठाउदा साउदीमा १९ नेपाली अलपत्र परेका छन्। विभिन्न म्यापपावरबाट साउदी अरब पुगेका विभिन्न म्यापपावरबाट नेपाली १९ युवा अलपत्र परेका हुन् । साउदीको जेद्धास्थित सेद इन्टरनेसनल कम्पनीले भिसाको म्याद सकिएर एक्जिट भिसा नलगाइ दिएपछि आफूहरू घर फर्कन पाएन्न। पटक पटक आफूहरूले जेद्धास्थित महावाणिज्य दूतावासलाई समस्या जानकारी गराए पनि दूतावास कानमा तेल हालेर बसिरहेको उनीहरूले आरोप लगाए । विगत लामो समय भिसाविहीन अवस्थामा बसिरहेको भन्दै उनीहरूले त्यहाँ रहेका विभिन्न संघसस्था लगायत सम्बन्धित निकायलाई सहयोगका लागि आग्रह गरेपनि आफूहरूको समस्याको कुनै सुनुवाइ नभएको उनीहरूको भनाइ छ । कम्पनीले महामारीका कारण पछिल्लो समयमा देखाउँदै कामदारलाई बिना पारिश्रमिक कम्पनीबाट निकाल्ने तथा समयमा तलव नदिने तथा करार अबधि सकिएपछि पनि घर नपठाउने गरेका छन् ।