काठमाडौं महानगरमा राति १ बजेसम्म देउशी भैलो खेल्न पाइने,महानगरले पेट्रोलिङ गर्ने
काठमाडौं,10 नोभेम्बर 2023
काठमाडौं महानगरपालिकामा राति एक बजेसम्म देउसी भैलो खेल्न पाइने भएको छ । महानगरपालिकाले नगर प्रहरीको पेट्रोलिङमा देउसी भैलो खेल्ने समय एक बजेसम्म राखिएको महानगरका मेयर बालेन साहले जनाएका छन् ।
विगतका वर्षहरुमा कोभिड १९ तथा सुरक्षाका कारण तिहारका बेला ९ बजेसम्म मात्र देउशी भैलो खेल्न पाउने अनुमति दिइएपनि यो वर्ष राति १ बजेसम्म खेल्न पाइने महानगरका मेयर बालेन शाहले बताएका छन् ।
‘बिगतको बर्षहरुमा कोभिडको कारण तथा सुरक्षाको कारणले गर्दा तिहारमा देउसी भैलो खेल्ने समय काठमाडौ महानगरभित्र राती ९ बजेसम्म मात्र खेल्न अनुमति दिइएको थियो,’ शाहले भनेका छन्,‘ ‘यो वर्ष काठमाडौं महानगर नगरप्रहरीले राति एक बजेसम्म सुरक्षाको लागि पेट्रोलिङको ब्यवस्था मिलाएका छौं र सोही समयसम्म मर्यादित भएर देउसी भैलो खेलिदिनु हार्दिक अनुरोध गर्दछौं, सोही अनुरुप नेपाल प्रहरी तथा जिल्ला प्रशासन कार्यालयलाई सुरक्षाको प्रबन्ध मिलाउन हार्दिक अनुरोध गर्दछांै ।’
