29 सितम्बर 2021
उत्तर कोरियाले जगंग प्रान्तमा नयाँ विकसित ह्वासोंग-8 हाइपरसोनिक मिसाइलको परीक्षण गरेको छ। यो अनुमान गरिएको छ कि यो परमाणु क्षमता संग सुसज्जित छ। यो मिसाइल भर्खरै डिफेन्स एकेडेमी अफ साइन्सले विकसित गरेको हो। दक्षिण कोरियाको सेनाले उत्तर कोरियाले आफ्नो पूर्वी तटबाट समुद्रतर्फ मिसाइल प्रहार गरेको जनाएको छ। उत्तर कोरियाको सरकारी मिडियाले यो मिसाइललाई रणनीतिक हतियारको रुपमा वर्णन गरेको छ, त्सतै मिसाइल परिक्षण गरिएको थियो, उत्तर कोरियाका सबैभन्दा ठूला नेता किम जोंग त्यहाँ उपस्थित थिएनन्। यो मिसाइल पञ्चवर्षीय सैन्य योजनाको नयाँ हतियार प्रणाली अन्तर्गत बनेको ५ सबैभन्दा विशेष हतियारहरुमा सामेल रहेको बताइएको छ।
यस महिना तेस्रो पटक मिसाइल परीक्षण
प्रतिबन्धको बावजुद उत्तर कोरिया लगातार आफ्नो हतियारहरुको आधुनिकीकरण र विस्तार गर्दैछ। यसले यस महिना तेस्रो पटक मिसाइल परीक्षण गरेको छ। उत्तर कोरियाले एक रणनीतिक क्रूज मिसाइल र एक रेलबाट दुई ब्यालिस्टिक मिसाइलको परीक्षण गरेको छ।
मंगलबार ब्यालेस्टिक क्षेप्यास्त्रको परिक्षण गरियो
मंगलबार पनि उत्तर कोरियाले समुद्रमा ब्यालेस्टिक मिसाइलको परीक्षण गरेको थियो। परीक्षणको केही बेरपछि उत्तर कोरियाका प्रतिनिधिहरुले संयुक्त राष्ट्र संघलाई भने कि संयुक्त राज्य अमेरिकाले उत्तर कोरियाप्रति शत्रुतापूर्ण दृष्टिकोण राखेको छ र यसको बिरूद्ध शत्रुतापूर्ण नीतिहरु लागू गरेको छ। यसको कारण, उत्तर कोरियासँग परीक्षण गर्ने अधिकार छ।
