मुम्बई , 25 अप्रिल 2021, लोकेन्द्र सेर्पाली
भारतको महाराष्ट्रको नाशिकमा एक नेपालीको मृत्यु भएको छ । पश्चिम रुकुम चौरझारी नगरपालिका- 7 घर भइ भारतको महाराष्ट्रको नाशिकमा रहदै आएका दिलिप बि.क.को कोरोनाका कारण असामयिक निधन भएको छ । दिलिप विगत 35 बर्षदेखि महाराष्ट्रमा श्रीमती सहित एक छोरा र एक छोरी सहित बस्दै आएका थिए । उनको यहि अप्रिल 21 तारीखका दिन कोरोनाबाट निधन भएको थियो । प्रगतिशील नेपाली समाज समिति भारतका केन्द्रीय कोषाध्यक्ष महोन बिश्वाकर्माका अनुसार दिलिप प्रगतिशील नेपाली समाज समिति भारत महाराष्ट्र राज्य नाशिक जिल्ला सदस्य समेत थिए । उनको निधनप्रति प्रगतिशील नेपाली समाज भारतका अध्यक्ष प्रकाश नेपाली र महासचिव लोकेन्द्र सेर्पालीको संयुक्त विज्ञप्तिमार्फ उनको मृत्युबारे दुख व्यक्त गर्दै उनको निधनले अपूर्णीय क्षति पुगेको बताएका छन । उनको निधनप्रति हार्दिक श्रद्धाञ्जली अर्पण गर्दै शोक सन्तपतः परिवारप्रति हार्दिक सम्वेदना समेत प्रकट गरेका छन ।
