काठमाडौं, 17 जनवरी 2022

अग्रपंक्तिमा खटिनेहरुका लागि काठमाडौं उपत्यकामा सोमबार कोरोनाबिरुद्धको खोपको बुस्टर डोज दिन सुरु गरिएको छ । काठमाण्डौका १७ ठाउँमा सोमबारदेखि कोरोना भाइरसविरुद्धको खोपको बुस्टर मात्रा दिन सुरु गरिएको हो । तत्कालका लागि अग्रपङ्क्तिमा काम गर्नेहरुलाई बुस्टर मात्रा दिइने स्वास्थ्य मन्त्रालयले जनाएको छ ।  बुस्टर मात्रा लगाउन दुवै मात्रा खोप लगाएको कम्तीमा ६ महिना पूरा हुनुपर्नेछ । यस्तै, यसअघिको खोप कार्ड पनि अनिवार्य लैजानु पर्नेछ । आउँदो १४ गतेदेखि ६० वर्षभन्दा माथिका व्यक्तिलाई बुस्टर मात्रा दिइनेछ । यस्तै कोरोना संक्रमण बढेपछि काठमाडौं उपत्यकामा कोराना बिरुद्धको खोप लगाउनेको संख्या बढेको छ ।