काठमाडौं, 17 अप्रैल 2023
लामिछानेका गाडी चालक दिलबहादुर थापा (शम्भु) सोमबार बिहान घाइते अवस्थामा भेटिएका थिए। उनी चितवनको भरतपुर महानगरपालिका–११ मा रहेको तीनतले घरको छतबाट खसेको प्रहरीले जनाएको छ। अहिले उनी चितवन मेडकिल कलेजमा उपचाररत छन्।
रवि लामिछानेले आफ्ना चालक घरको छतबाट खसी घाइते भएको विषयमा प्रारम्भिक प्रतिक्रिया दिएका छन्। चालक थापाको अवस्था सुधारिएको उल्लेख गर्दै लामिछानेले यस्तोबेला नुनचुक नलगाउनसमेत आग्रह गरेका छन्। चुनावी प्रचारमा रहेका उनले यस विषयलाई स्तरहीन राजनीतिकरण नगर्नसमेत भनेका छन्। ‘म नेताभन्दा पहिले मानिस हुँ। म पनि थाक्छु, गल्छु। मेरा आँखामा पनि आशु आउँछन्। बिन्ती छ, यस्तो चोट लागेको बेला सहानुभूति र प्रार्थनाको साटो नुन चुक बोकेर नआउनु होला। स्तरहीन बनेर राजनीतिकरण नगर्नु होला,’ फेसबुकमा लामिछानेले भनेका छन्।
