मुम्बई, 25 अगस्त 2021
भारतको मुम्बईमा एक नेपाली कारोबारी एन.के सिँह ठगी मुद्दामा पक्राउ परेका छन । मुम्बई क्राइम ब्रान्चको टिमले सिंहलार्ई पन्जी स्कीमबाट ६ सय ८४ करोड रुपैयाँ ठगी गरेको आरोपमा पक्राउ गरेको हो । फिनोमिनल ग्रुप आफ कम्पनीको अध्यक्ष सिंहलाई दक्षिण मुम्बईको एक होटलबाट क्राइम ब्रान्चको टिमले आइतबार हिरासतमा लिएको थियो र पछि लातूर पुलिसको आर्थिक अपराध शाखा (इडब्युओ) लाई सुम्पिएको थियो । सिंहले भारतका बिभिन्न राज्यमा धेरै मानिसलाई ठगि गरेको जनाइएको छ । सिंहको नाममा महाराष्ट्र, कर्नाटक र केरलामा मुद्दा दायर गरिएको छ। उनी केरला, कर्नाटक र गुजरात राज्यमा प्रहरीको ‘मस्ट वान्टेड’ सूचीमा रहेका थिए । थप कारबाहीका लागि लातूर प्रहरीको जिम्मा लगाइएको बताईएको छ। उनी नेपाल, भारत, अमेरिका र बेलायतमा बस्दै आएको बताईएको छ।
