रूपन्देही, 1 मे/ हिम शाह
रुपन्देहीमा कोरोना संक्रमण देखिएका युवा बैशाख 5 गते भारतको नयाँ दिल्लीबाट फर्किएको खुलेको छ। रुपन्देहीको कोटहीमाई गाउँपालिका 1 सिपवाका 25 वर्षीय युवा बैशाख 5 मा नेपाल फर्किएको पाइएको प्रदेश 5 का सामाजिक विकास मन्त्रालयको स्वास्थ्य शाखा प्रमुख उमा शंकर चौधरीले बताउनुभयो। दिल्लीमा मजदुरी गर्ने युवालाई स्वदेश फर्के लगत्तै मर्चवार आदर्श माविको क्वारेन्टिनमा राखिएको थियो। उनको स्वास्थ्य अवस्था सामान्य रहेको छ।
अहिले उनलाई बुटवलको रामनगरमा रहेको लुम्बिनी प्रादेशिक अस्पतालको कोरोना विशेष अस्पतालमा राखिएको छ। उनको प्रारम्भिक स्वास्थ्य चेक गर्ने काम भइरहेको अस्पतालका मेडिकल सुपरिटेन्डेन राजेन्द्र खनालले बताउनुभयो।
