दिल्ली, 8 मार्च 2021
रोजगारीका लागि भारतमा रहेका नेपालीहरुले पनि महिलाहरुको सम्मान र उनिहरुको अधिकारका लागि 111 औं अन्तर्राष्ट्रिय नारि दिवस मनाएको छ । अखिल भारत नेपाली एकता मंच, दक्षिण पुर्वी नयाँ दिल्ली नगर समितिको आयोजनामा “महिला सुरक्षा , सम्मान, स्वदेशमै रोजगार! समृद्ध नेपालको मुल अधार!!” भन्ने मुलनाराका साथ वृहत रुपमा दिवस मनाइएको हो । दिल्ली एनसीआरका कयौं नेपालीहरुको उपस्थिति रहेको कार्यक्रममा विगतका वर्षहरुमा नारिहरुलाई सम्मानका साथ हेर्ने चेतना पलाएको भएपनि उनिहरुको हक अधिकारका लागि अझै चुनौतिहरु रहेको भनिएको थियो । समारोहमा बोल्ने अधिकाँश वक्ताहरुले समाज परिवर्तनको शिक्षा घर-घरबाटै शुरु हुने भएकाले आ-आफ्ना छोराछोरीलाई नैतिक शिक्षा दिन सकियो भने पनि समाज परिवर्तन हुने बताएका थिए । समारोहमा दिल्ली एनसीआरका विभिन्न स्थानबाट आएका महिलाहरुलाई विशेष सम्मान दिइएको थियो । समारोहमा बृहत जनसांस्कृतिक कार्यक्रम प्रस्तुत गरिएको थियो । कार्यक्रममा दिल्ली-एनसीआरका कलाकारहरुले सांस्कृतिक कार्यक्रम पनि प्रस्तुत गरेका थिए । विशेषगरि महिला कलाकारहरुले प्रस्तुत गरेको कार्यक्रमलाई दर्शकहरुले निकै मन पराएका थिए ।
