नयाँ दिल्ली डेस्क, 5 मे 2020
राजधानी दिल्लीमा रक्सी खरिद गर्दा अब “विशेष कोरोना शुल्क” पनि भुक्तान गर्नुपर्ने भएको छ। केजरीवाल सरकारले रक्सीमा “विशेष कोरोना शुल्क” लगाउने निर्णय गरेको हो। यो निर्णयसँगै अब रक्सीको अङ्कित मुल्यमा थप 70 प्रतिशत “विशेष कोरोना शुल्क” पनि तिर्नुपर्ने भएको छ। दिल्ली सरकारको यो निर्णय आजदेखि लागू भएको छ। यसपूर्व हरियाणा सरकारले पनि रक्सीमा कोभिड-19 कर लगाएको थियो।
हिजो सोमबारदेखि देशमा लकडाउनको तेस्रो चरण सुरू बएको छ। कोरोना भाइरसको संक्रमणमा नियन्त्रण नआएपछि तेस्रो पटक लकडाउनलाई दुई साता बढाएर 17 मेसम्मका लागि लम्ब्याइएको छ। यद्यपि यस पटकको लकडाउनलाई कोही खुकुलो बनाइएको छ। यसमा रक्सीको बिक्रीमा छुट पनि दिएको छ। सोमबारदेखि देशको कैयौँ शहरमा रक्सीको पसलहरू खुलेका छन्।
सोमबार दिल्लीमा रक्सी किन्नेहरूको ठूलो भिड लागेको थियो। भीडभाड गरेपछि प्रहरीले अवस्थालाई नियन्त्रण गर्न लाठी चार्ज नै गर्नु परेको थियो।
